martes, 7 de marzo de 2017

COMISARIADO EXPOSICIÓN "TODOS OS DÍAS SON 8 DE MARZO"

Nestes días estamos realizando as nosas primeiras prácticas coma comisarios de arte, colaborando na montaxe da exposición "Todos os días son 8 de marzo".

En primeiro lugar tíñamos que saber sobre que idea imos traballar, artistas e obras (temática, forma, luz), polo que tomamos notas xunto a Luz Beloso, a profesora de Plástica que dirixiu a elaboración das obras. E unha tarefa imprescindible, xa que o comisario ten que saber dar unha explicación sobre por que esa exposición e esa selección.

Empezamos estudando o espazo no que se situaría a exposición (hall do centro): dimensións, características, módulos expositivos, iluminación..


Despexamos a zona de exposición, cambiando de sitio os elementos prescindibles...






Dada a gran cantidade de traballos realizados polo alumnado tivemos que pensar en novas fórmulas para expoñer, polo que cubrimos paneis expositivos con teas, para o que tivemos que pasar o ferro, coser,...actividades domésticas habituais que a maior parte dos alumnos era a primeira vez que realizaban.










Tamén contamos coa impagable axuda de Enrique, que montou e tensou un sistema de cordas para "tender" algunhas das obras.


E pintamos moitas pinzas de negro, para que encaixasen coa estética en branco/negro da mostra.


Xa queda menos, e os pasos seguintes refírense a elaboración de:
- Cartelas
- Invitacións
- Prensa e difusión
- Texto curatorial (unha cara dun folio, sobre a exposición).



No hay comentarios:

Publicar un comentario en la entrada